Hasan-Sabri Ayvazov - "Millet" cevherleri - Каталог файлов

Gospodin Jabotinskiyniñ mütalaasınıñ doğrı olan yerleri de vardır. Faqat, yazdıqlarınıñ bir çoğınıñ hissiyat ve arzusına qapılaraq yazdığı da hiç inkâr idilemez. Biz Jabotinskiyniñ Türkiye ve genç türkler haqqında yazdığı şu kitabını oqurken, Rusiyeniñ bugün keçirmekde oldığı vaqaiy facia közimiz ögüne keliyur!..

Dеvlеt müşavеrеsi bitdi

Evelce «sulh» kelimesini ağıza almaq nasıl büyük bir cesaret sahibi olmaya mütevaqqıf ise, şimdi «sulh» kelimesini de ağıza almaq o qadar, belki daha ziyade bir cesarete tevaqquf idiyur! Halbuki dördinci seneden beri bütün dünyayı yaqub yıqmaq, beni-i beşeri aşamadan duymayan qanlı, ateşli ifiriti öldürecek sulh, ancaq sulh iken. Nedense, bu cesareti kösterecek qahraman bizde halâ zuhur idemedi

Moskva Müşavere Meclisi

Yara, hastalıq, maraz pek çoq memleket ve devlet vücudınıñ haman her uzvisinde mühlik yaralar, qorqunç marazlar var. Bu yaralar, bu marazlar kitdikçe artmaqdadır ki, bu hastalıqların başlıcaları Rusiyeniñ hazırda keçirmekde oldığı ağır müşkül buhran-i siyasi ve iqtisadiydir. Devlet hayatınıñ haman her sahasında o derece qarışıqlıq, o derece ağırlıqlar vardır ki, eger seri, qatiy tedbirler ittihaz idilmezse memleket ve devletin çoqdan beri çekmekde oldığı hastalıqlardan afaqat bulması pek şübhelidir.

Düşmannıñ planı

1885 senelerinde Almaniya ile Avstriya-Macaristan devletleri; İngiltere, Türkiye, Romaniyanıñ hatta İsveçin bile müzaheretleriyle Rusiye üzerine saldırmaq istedikleri zaman Bessarabiyaya kirmek harb planlarında var idi. Bınıñ böyle oldığını rus erkân-i harb dairesi bir sene soñra pek eyi ögrenmişdi

MÜFTİY ALEYHİNDE TAQİBAT-I QANUNİYE QOZĞALMASI MÜNASEBETİYLE

Qırım müftisi Çelebicihan efendi aleyhine vilâyet komissarı Bogdanovın vilâyet Komitesi İcraat Bürosında Tatar Batalyonı işleri haqqında virdigi dokladından soñra Büro tarafından "mesele”-i mezküre olaraq prokurorın müdde-yi umimiyeniñ bu işe dair tahqiqat-ı adliyeye kirişmesine ve elde idilecek neticeniñ hükümet-ı muvaqqataya haber virilmesine qarar virildigi...

MUHAREBENİÑ DÖRDİNCİ SENEYE KİRMESİ

İngilizlerin ve fransızların muharebe-i hazırada eñ büyük roli kendisinden bekledikleri Rusiyeye kelince, vaqa büyük qahramanlıqla muharebe itmiş ise de, düşmannıñ tehnikiy quvetiyle muqavemet idemeyüb bir çoq vilâyetlerini elden çıqarmışdır. Hele Rusiyeniñ bu soñ künlerdeki mağlübiyeti yalıñız safahat-i harbiyeyi degil, safahat-i siyasiyeyi de qatiy tebdilâta oğratmışdır...

FЕVQALÂDЕ UMUMRUSİYE MECLİS MUŞAVЕRЕSİ

Moskvada umum Rusiye teşkilâtları vekillerinden murekkeb bir meclis-i müşavere yapmaq fikiri bu künlerde doğmış yeñi bir şey degildir. Bu fikir ta aprel ahırlarında hükümet-i muhtelite, yani dürlü siyasiy fırqalara mensüb kişilerden yeñi bir hükümet teşkil idildigi zaman ileri sürülmişdi. Faqat, o zanam hükümet heyetini teşkil idenlerden bir qısımı (kadetler) buña muvafaqat itmediklerinden mezkür fikir quvveden fiile çıqarılmayub qalmışdı...

HARB HATINDAKİ TEHLÜKE KİTDİKÇE MEYDANLAŞIYUR!

Anarşi, diyu adımlarıyle Rusiye üzerine yürümekdedir. Yaqın zamanda, belki yarın bu anarşiyle, mübareze itmek mümkün olamayacaqdır... Vatan tehlükede!.. Onı qurtarmaq ancaq qatiy, şedid-i tedbirler ve diktatorlıq sayesinde mümkün olabilir...”.

“DOSTLIQMI, DÜŞMANLIQMI?” (Büyük provakatsiya)

Qırım Müslimanları İcra Komitesi aprel beşden itibaren, tam manasıyle işe kirmişdi. Büyük ve qatiy adımlar atmaya başladı. Faqat, istibdad devirinde hükümet-i mutlaqaya istinad iderek, halq ve cemaat üzerine icra-yi nüfuz ve hüküm idekelen Qırım müteğallibleriyle mutaassıbları Komiteyi teşkil iden efendilerle onların yapdıqları işlerini kendileri için zarar add iderek, mahkeme-i şeriye ve İcra Komitesi aleyhine gizli olaraq teşviqata başladılar.

BAYRAM MÜNASЕBЕTİYLЕ

...şimdi türk-tatar cihanınıñ ufqında serbestlik, azadlıq, ve sulh küneşiniñ tuluyini müjde idecek allı, qırmızılı şualar nümayan olmaya, milliy bayrağımız dalğalanmaya başlayur. Asırlardan beri keçirdigimiz qara künlere, matemli bayramlara nihayet virilecegi ve hepimizin arzusı olan büyük milliy bayramın kelecegi zaman yaqlaşıyur!..