Bizler şanlı ecdadımızın harabeleri içindeyiz. O, ecdad ki, merd idi, adil idi, yüksek idi. Evet, büyük ecdadımızın muqaddes abideleri arasındayız. «Dirileri yaşadan ölülerdir», ölülerin asarıdır. Bizler ölmiş dedelerimizin şanle, şerefle qazandıqları servet-i milliyeyi hüsn-i istimale qarar virdik. Bunıñ için de milliy tatar müzehanesi açmaya teşebbüs itdik.

Ben tatarların, tatar askerleriniñ, tatar batalyonınıñ mayıs 17-de Harbiye Naziri Kerenskiye virdigim dokladımda kendilerine muhafazalıq vazifesi tevdi idilmek şartıyle Qırıma kelmesine müsaade idilen Qırım Atlı Polkına qoşulmaq hususındaki bu umumiy arzu ve isteklerine istinaden, tatar batalyonına da Qırım Atlı Polkınıñ bir qısımını teşkil itdigi için aynı vazifeniñ yüklenmesini pek mantıqıy buldığımı meclise beyan itdim.

Muallimlerin maaşından maada, bu beş rüşdiye ve ibtidaiyeniñ bütün sair masarifat idaresi cemaat, cemiyet-i hayriye, mahalliy müsliman komiteleri tarafından temin edilmelidir. cemaat komiteler ise bu meblâğı zemstvolar idaresinden ahiz itmelidirler. Şayed cemaat, cemiyet-i hayriyeler ve mahalliy müsliman komiteleri kendi hisselerine

Bugünki celse Rusiyede bulunan iki büyük mahakim-i şeriyeniñ ittihadıle husula kelen tarihiy ve mühim bir ictimaidir. Binaenaleyh bu meclisde bizler hadisat ve teferruat ile degil, esasat ile iştiğal itmeliyiz ve bunlarıñ da lâzimlerini ikinci dereceye bıraqaraq, elzemleriniñ husulpezir olmasına ğayret itmeliyiz. Bu yapılacaq olan işlerin kesretinden ziyade ehemmiyetine, ulviyetine ihtimam itmeliyiz...