Soñ kelen İstanbul gazetalarından «İqdam» refiqımız Hasan-Sabri efendi ile olan mulâqatlarını neşir itmekdedir:

«Bir qaç künden beri şeherimizde bulunmaqda olan Qırım hükümetiniñ hükümet-i osmaniye nezdindeki vekil-i resmisi Hasan-Sabri-bek Ayvazov dün kendisiyle mulâqat olan muharririmize beyanat atiyede bulunmışdır:

Bir buçuq sene eveline kelinceye qadar Qırımda istiqlâl fikiri adeta ğayr mevcud ve bir qaç kişiniñ fikirinde hayal halında idi. Rusiyeniñ büyük 1905 ihtilâlinden soñra <....> virdigimiz ehemmiyet-i umumiyemizde bir inqilâb esasatını ihzar eylemişdir. Bu soñ vaqayi sırasından bunıñ pek ziyade tesiri olmış ve ilân-i harbiy müteaqib Qırım Müslimanları «İcra Komitesi» teşkil idilmişdir. Bu Komiteniñ ilk işi Rusiye hükümet sabıqasınıñ tesirinden qurtulamayan evqaf-ı İslâmiye idaresini eline almaq oldı. İbtida Rusiyede bir Konfederatsiyon vucuda ketirilmek istenildi. Faqat eñ evel Ukraina muhtariyete keçerek müteaqiban ilân-i istiqlâl eyledi. Ukrainanıñ ilân-i istiqlâli esnasında Peterburgda zuhur iden bolşeviklik ceryanınıñ Qırıma qadar ittisa idecegini vaqtıyle tahmin ve bu mazlum ceryana qarşı ihtiyatkâr bulunmaq üzre askerlerimizi bir araya topladıq. Dört-beş ay qadar memleket esaslı her dürlü teşkilâtından mahrum qaldı. Topladığımız meclis-i müessisan yetmiş doquz kişilik azasıyle meclis-i mebusan halını aldı.

Keçen kânun evel sâniyniñ önine qadar Qırım türkleri vaziyete hakim bir mevqide bulunıyurlardı. Bolşeviklere qarşı kendimizi mudafaa ve bunlar ile harb eyledik. Faqat anâsır-ı saireniñ hiyanetine maruz qaldığımız cehetile bizzarur-ı mağlüb oldıq. Bunıñ üzerine memleketde üç ay qadar bir herc-ü merc devam ve cinayetler yekdigerini taqib eyledi. Nihayet bu hal almanların Qırıma kirmeleriyle zâil oldı.

Almanlar kirdikden soñra eski meclis-i müessisan tekrar iniqad başladı. Anâsır-ı saireyi meclise davet itmiş ise de qabul itmediler. Nihayet bir qırımlı müsliman olan Sulkeviç meydana çıqdı, ve ilk defa teşkiline muvaffaq olamadığı Kabineyi ikinci defasında teşkil itdi. Parlamentosınıñ bu hükümetin keyfiyet-i teşkilinde dahili yoqdır. Bu hükümetde mesuliyet de yoqdır.

Mamafih azâmızdan Cafer-bek Harciye Nezaretini derahda itdi. Bu Kabinede dört müsliman Nazir bulunıyur. Vaqian hükümetin dahilde bir istinadgâhı yoq ise de Parlamento aleyhinde bulunmadıqça hükümeti mudafaa eyleyecekdir.

Hükümet-i hazıra muhafazakârdır. Lisan-i resmiyeniñ türkçe olması talab olunurken: hükümet-i Rusiyeyi qabul eylemekle beraber devair-i resmiye de türkçe ve almanca istimalını da serbest bıraqdı.

Şimdi Sülkeviç hükümetiniñ teşkil ve idamesine Parlamentonıñ muvaffaqat eylemesi, hükümetin, Qırımın istiqlâli içün çalışacağına dair taahhüdatda bulunmasından menbaisdir. Bu taahhüdat-ı sevqiledir ki bu vadide sarf-ı mesai itmek üzre beni hükümet-i osmaniye ve Cafer-bekde Almaniya hükümeti «nezdine köndermişdir.