1919. – № 10. – Yanvar 12;

№ 11. – Yanvar 13;

№ 12. – Yanvar 14;

№ 13. – Yanvar 16;

№ 14. – Yanvar 17;

№ 15. – Yanvar 19;

№ 16. – Yanvar 20;

№ 17. – Yanvar 21;

Ey baylar, ağalar, siz çalışqansıñız, Tañrı sizge küç-taqat yaki aynecilik bergen. Siz tişiñizden, tırnağıñızdan artdırıb çoq mallar cıyğansıñız. Allah sizge onlarnı qutlu ve mübarek etsin. Fuqare olmağanıñızğa şükür etiñiz. Çünki Peyğamberimiz "el faqır küfr”[1] degen, yani "fuqarelik kâfirlikdir” demekdir. Çünki Tañrınıñ bergen küçlerini boş yerge sarf etib tenbel-tenbel yatmaq Tañrınıñ nimetlerini inkâr etmek, demekdir. Siz onı inkâr etkensiñiz, çalışıb, yaki babalarıñızdan qalğan mallarıñıznen zengin olğansıñız, kâfirlikden qurtulğansıñız. Lâkin unutmañız ki, Tañrı Taalâ küçsizlerge, yoqsullarğa yardım etmekni de emir etken. Altın küpelerniñ üstine minib oturmaqnen, yaki hacılıqqa varıb kelmeknen sırat köpürisini keçib olamazsıñız. Yalıñız öziñizni, öz qursağıñıznı tüşünüb, tek öz torunçıqlarıñıznı manaçıq etib oturmañız. Bir zade öz din ve qan qardaşlarıñıznı tüşüniñiz. İnsannıñ ne qadar yaşasa da eñ soñ varacaq yeriniñ ne olğanını hepiñiz bilirsiñiz! Siz mezar taşlarıñıznı ne qadar qaviy ve sağlam yasatsañız, mezarlarıñıznıñ çevre-yağını ne qadar sağlam ellernen qorçalasañız da, zaman degen şiy onı pek çalt yıqıb yerle yeksan etib taşlar. Lâkin siz milletke bir mekteb, bir cami, yaki bir yol yapıb taşlayacaq olsañız, namıñız qıyametlerge qadar añılır. Her zaman hayır duanen yad etilirsiñiz.