Közlev uyezdiniñ Qocanbaq volosında Qaranayman adında bir köy vardır. Bu köyde yetmiş qadar hane vardır bu köyniñ bir mektebi üç ocası vardır. İkisi milliy idare tarafından, birisi de zemstvo tarafındandır. Mektebniñ baş ocası Bağçasaraylı Seydhasan Basariy efendidir. Keçen yıl bu efendiniñ çalışmasıyle bu köyde bir "Oquv yurtı” (qıraethane) yasalğandı. Lâkin bolşevikler zamanında bu oquv yurtı dağılğan edi. Bu yıl bu oquv yurtı kene yañıdan açıldı ve bunıñ başı olğan Hasan Sabri efendi Qocanbaq tatarlarına ilân ete. Her kim istese Qaranayman köyniñ kitab evinden kelib kitab alsın, oqusun, faydalansın. Kitab evi sabahları bir saat ve ögleden soñ tatarca saat doquzdan üçke qadar da altı saat açıqdır. Bu haber bizni pek ziyade sevindire Tañrı bu köyniñ cemaatlarına ve ğayretli ocalarına savlıq versin.