Çatırtavlı aqam,

Men sizin yazğan ertegelerni her kice oqıy edim, babam bazardan kelgen vaqıt, men onıñ qarşısına çapıb çıqa «gazet ketirdiñmi» deb soray edim. Bir kün babam keldi, «artıq gazet alamayacağım saña!» dedi. Men ağlab mahzunlanıb «neçün» deb soradım. Çatırtavlı hastalanğan, artıq yazmayacaq eken, deb cevab berdi. Soñ babam külüb maña o siziñ hastalanğanıñıznı yazğan nomeranı uzatdı. Men Tañrıdan bek dua etem, siziñ közleriñiz yahşı olsun, deb,

Canım Catırtavlı aqam, közleriñiz yahşı olğanı kibi kine yazıñız. Ve hem de bizim qadınlar içün […] yazıñız. O qadar bekliymen siziñ yazğanıñıznı.

Bağçasaray,

Fatma...

Bir başqası:

Sayğılı Çatırtavlı efendi,

Zat-ı aliyleriñizge badelselâm-kelâmım eveldir, ki keçen künlerden birisinde gazetelerin birinde siziñ fena bir halda hasta oldığıñıznı oqudım.pek yaman kederlendim, Allah sağlığıñıznı virsun, amin. Ne yazıq!.. Men kice-kündüz sizniñ yazdığıñız güzel külinçli, milletke fikir virecek maqaleleriñizni oqumaqnı pek severdim. Aqılıma keliyur, siz maqaleñizin birisinde yazmaya istemeyim, diyurdıñız, yoqsa onıñçün milletke kendiñizi hasta kösteriyursıñızmı? Gazeta idaresine yollaymız, lâkin varıb yetmiy ğaliba. Allah sağlığıñızı virsun, amin.

Qarye-i Kökköz.

Velillah Muhiddin oğlundan sevgili oquyıcılarım,

Sizin duañıznıñ bereketi, doktorlarnıñ ğayretinen çoq şükür Tañrığa, közüm, qısqa bir zaman içün olsa da yahşı oldı. İki-üç künden yazmağa başlaycaq, başlağan ertegemni bitirib yazdıracaqman.