Qırımtatar halqınıñ ehemmiyet vermeden keçiremeyecegi bir mesele varsa, o da maarif ve oqutuv meselesidir. Mekteblerimizin dirilmesi, mekteblerimizin horluqtan qurtulub diger milletler ile bir sırada bir halqda yaşayabilmesi içün mutlaqqa kendini oquv işlerimizin düzelmesi lâzimdir. Bir Alman aliminiñ söyledigi kibi, bir insannıñ sağlamlığı ağızından, bir milletin sağlamlığı ise mektebinden belli olur.

      Mekteb hayatımız hasta, zayıf, yıqıq, baqımsız qaldıqça bizim milletin de zayıf ve hasta qalacağı tabiydir.

      İnkâr etmek degil ki, bugün kendi yiyecegini bile zor tedarik iden köylüniñ bir de balasını oqutmaq içün para virmesi çoq zor hatta müşküldir. Faqat halq düşünmelidir ki, biz bugünden ziyade yarın içün çalışmağa mecburız.