1913. --Sentâbr 24.

      (Жизнь Крыма) gasetasında yazıldığına köre Kefe uyezdi Harcibiye qırayesinde teessüfli bir cinayet vuqu olmıştır. Mezkür qırayede muallimlik iden Usein Şamil Tohtarğazı-oğlu ile mezkür qıraye cemaatından Hacı Erbayın Murzaq oğlu arasında bir şey üzerinde ihtilâf çıqıp bir-birine duşman olurlar. İşbu sentâbr-17 ncı künü yerlilerden Menlibay nam kişi bunları barışıq içün evine musafirlikke çağırır. Faqat iki duşman arasında burada qavğa-gürülti çıqıp, nihayet, Acı Erbayın Usein Şamil-efendiniñ qursağına pıçaq saplayaraq şu saat öldürür. Merhum Usein Şamil-efendi Qırım içinde malüm idi. Ara-sıra gazetalarda yazı yazmaq ve milliy şiir yazmaqle meşğul olan müstait bir genc idi. Genc yaşında böyle teessüfli bir sürette vefatına teessüf olunır. Hudanıñ rahmetinde olsun.