| Soyadlar bazası |
"Tamırlarıñnı ögren"
Aqmescit Devlet Arşivinde
|
|
|
|
|
В разделе объявлений: 110
Показано объявлений: 61-80 |
Страницы: « 1 2 3 4 5 6 » |
Zeytullayeva Fatime "...özen boyu": Yır
|
Qalaylı qazan (variant): Yır
|
"...dalda bülbül...": Yır
|
"Bir dalda eki riraz": Yır
|
"...ay-ya bolsın, ay bolsın": Ayneni
|
Ayneni
Aya bolsın ay
bolsın,
Menim balam
yuqlasın.
Qırmızı güller
qoqlasın,
Anası kelip
yoqlasın.
Aya bolsın
ayyası
Qaçan tiyer
faydası,
Yaz tiymese, qış
tiyer,
Şu balanıñ
faydası.
Menim balam
özekten,
Quvanaman
yürekten.
Yuqla balam,
yuqla,
Aru tüşmen
yuqla. |
Çıñlar
Accı berseñ de iç muğaymam
Çünki çıñman yaşağan çıñ noğayman
Çıñ aytqanda ağızıñ bir danedir
Eşitkende qulaqlar biñ danedir.
Çalışmadan qaytmaymız —
çalışamız,
Yavaş-yavaş er şeyge alışamız.
Ayvalıqtan suv aqar meyvalıqqa,
Qatip tözip turayım sevdalıqqa.
Çıñcı bolsañ, çıñnı suvday içmek
kerek,
Tek, qardaşım, başta oylap-biömek
kerek.
Evel yaşlar çıñ aytıp tañ
attırğan,
Özleriñe eş-dostnı şay ayttırğan.
|
Ey Azizler
İlahisi:
Ey Azizler işte başlarız söze
Bir vasiyet qılavuz ila size,
Ol vasiyet, ki dirhem er kim tuta,
Misk kibi qoqusı canlarda tüte.
Haq Taala rahmet eyle oña,
Kim beni o bir dua ile aña
Er kim diler bu duada buluna,
Fatiha ider ben Suleyman quluna. |
Qaya tübü saq olur
Qaya tübü saq olur
Gül açılsa, yaz olur.
Men saña gül deyalmam,
Gülniñ ömrü az olur.
Qaya qayağa baqar,
Qayadan suvlar aqar
Burma mıyıq turğanda
Saqallığa kim baqar?
Qaya tübü ne çeşme,
Salqın suvnı içme,
Oquması bir şey degil,
Vay sınıftan keçmesin |
Çıñlar
Şişip qalsın çal
maliy alıp qaçtı
On eki çuval çıñımnı
yolğa saçtım.
Çıñlap çıñcı tuvulman
— çıñlaycaqman
Tañ açılmay, kün
tuvmay — qaytacaqman
Geceler uzaq oylanıp
yuqum kelmey
Saldın içke sen bir
dert kimse bilmey.
|
Arabalar
Arabalar kelip keçer
Toz olur, toz olur.
Sevip-sayıp ayırılması
Küç olur, küç olur.
Soqaq boyu kezme yarem
Toz olur, toz olur.
Er kimlerge açma sırımnı
Söz olur, söz olur.
Bahar kelse, açsa güller
Yaz olur, yaz olur.
Sevdalarğa aymerdan yıllar
Az olur, az olur.
Bugün maña añlasam da az olur,
Kelir bir kün, belki maña da yaz
olur.
|
Cuma ilâhisi
Mevlâm güllerin honahları
Bugün Cuma ürmetine
Yarabbina, yarabbina
Vafurlina, zunubina
Dervişler tevhid iderler
Qalqır meclise giderler
Muminler bayram iderler
Bugün Cuma ürmetine
Yarabbina, yarabbina
Vafurlina, zunubina
Aşıq Yunus kör neyleyur
Cevrine uları diyur
Ebulenler şehidolur
Bugün Cuma ürmetine
Yarabbina, yarabbina
Vafurlina, zunubina
Aydan aydındır yüzleri
Şekerden tatlı sözleri
Dolanır harı-hızları
Bugün Cuma ürmetine
Yarabbina, yarabbina
Vafurlina, zunubina
|
Haynana
U
rafa bir filcan hoydum,
İçine
mercan hoydum
Haynanamın
adını —
Huyruhlu
sıçan hoydum.
Patlasın,
çatlasın haynana,
Yüregine
buz hoy, haynana.
Patlasın,
çatlasın haynana,
Ağızına
tuz hoysın haynana
|
Ahşam vardım
yatmaya
(Baydar köyü variantı)
Ahşam vardım yatmaya
Saba da haytmaya.
Anife de totam ögretti maña
Huyulara atmaya
Vardım huyular başına,
Başım hoydım daşıma
Atacah da oldım, atalmadım
Adam vardı harşıma.
Fatimeniñ baş taşı
Hıblaya harşı
Fatimeniñ taş-toprağı
Babasınıñ közyaşları.
Haber etiñ Ahmullaya
Ölgenim bilsin
Sandığımdan bir tüste veriñ
Közyaşın silsin. |
Restorandan çıqtım
sarış
Restorandan çıqtım
sarış
Lenenkaya tayandım
Arası daqqa keçer
keçmes
Alqanlarğa baylandım
Ketmecek bolıp çoq
Çekiştim qardaşım,
qatrını qıymadım.
İnanıñız tuvğanlarım
Ölmecegimni tuymadım
Yazıq ta yazıq qız
qardaşım öksüz qaldı anadan
Em anadan em babamdan
qaytın çeksin yaradan
Tamam da on kün çölde
yattım
Aza da tenim buzladı
Bereker tövbesin kene
de keldi
Militsiyalar yoqladı
|
Maneler
Dalda çeçek bir tutam
Çeçekke taş atalmam
Yüregimniñ köşesiniñ
Senden ayrı yatalmam
Közleriñ körünmesiñ
Aqız şalıña bürün
Menden ğayrı yar
sevmeseñ
Qapı qapıdan sürün
Qave qoydım cezveye
Çıqtım kettim gezmeye
Gezip kelip mane
yazdım
Güzelime bermeye
Yoqtır balıqnıñ tili
Olmaz incirniñ gülü
Sevem yarem men seni
Dersiñ küneş-ay kibi.
|
Çaqırcı
Çaqırcı da dağda eneyur,
Qorqu da nedir bilmeyur.
Maña derler çaqırcı,
Yar fidan boylu,
Etrafım düşman dolu.
Stanbulda ayneli çarşı,
Dükânları qarşı da qarşı.
Tabakañdan bir tütün ber,
Ey, urum yaşı,
Yandı da yüregim, başı
Stanbul kabakları,
Yeşildir yapraqları
Sevdigimi bermeseler,
Yar fidan boylu,
Yıqaruıs qonaqları.
|
Maneler
Suv üstünde qayığım,
Sensiñ menim baylığım
Halq ne dese — desiñ,
Sensiñ menim lâyığım
Bağçalarda nar kelir,
Yaylar aradan qar kelir,
Yareme mektüp yolladım,
Baqayım, ondan ne kelir?!.
Ev aldında gül turar,
Gül terekke suv kerek,
Ösip ketken ağama
Findan böyli qız kerek
Saba erte turamız,
İşke azır olamız,
Aqşam işten kelgen soñ
Küneş yerge tiygen soñ,
Gece mektepke baramız,
İlim-bilgi alamız.
Oqumağan-yazmağan qalmasın
Kimse cail olmasın
|
Yavur Mustafa
Urkustanıñ
ortasından,
Aqqan suvlar
bulanır,
Mustafa soldan
ketti, deseñ,
Baydarava
quvanır.
Qaparalı quşaq,
Kümüş pıçaq,
Mustafanıñ
belinde
Güzel oğlan pek
yaramaz.
Kâmillik bar
elinde
Seni anañ er
doğurdı,
Er balası,
Mustafa
Yaşa oğlan, sen
biñ yaşa,
İşleriñde olsun
hoş-sefa!
|
|
İcra ete: Baladın Yusufoğlu
"...Aqtabanım ay...": yır
|
|
|
| Malümat sayısı |
Photo: 47
Blog: 2
Ekspeditsiyalarımız: 3
Failler konvolütı: 246
Maqaleler: 115
Qırıtatar folklorı: 238
Guestbook: 765
|
| Kitaplarımız |
|
|
