«Шейх-уль-муаллим» ибареси аслында «чалышып тургъан муаллимлернинъ (оджаларнынъ) энъ къарт, энъ урьметли, энъ бильгили ве энъ теджрибелиси» манасыны бильдире. XIX асырнынъ сонъу ве XX асырнынъ башы девринде Къырымда бу гъает шерефли унванны къазангъанлардан энъ-эввеля Бекир Эмекдар анъылмакъта. Бу оджа 1884 сенесинден башлап 1909 сенесине къадар Багъчасарайнынъ Къайтаз-Агъа мектебинде усул-и-джедит системинде дерслер кечирип юзлердже юксек бильгили мезунлар етиштиргендир