Иджретнинъ себеплерини
анъламакъ ичюн XIX асырда чыкъкъан макъалелерге ве китапларгъа бир назар
быракъмакъ керекмиз. Меселя, Г. Левицкий озь макъалесинде "Переселение
татар из Крыма в Турцию" яза: "Со дня присоединения Крыма к России
началась на этом полуострове… раздача земель русским дворянам и по вызову
правительства переселившимся грекам; земли эти, составляя обширные
пространства, поступали иногда в руки людей, не желавших или не умевших
извлекать из них возможную пользу, и потому лежали большею частью
неразработанными…" [8, 121]
А. Озенбашлы озь
макъалесинде "Роль царского правительства в эмиграции крымских татар"
бойле яза: "…все дореволюционные авторы, отразившие в той или иной степени
в своих трудах историю эмиграции крымских татар, ходили вокруг да около самого
основного момента, а именно момента дирижирования царского правительства этим
народным движением, в результате которого через 130 лет (1783-1917) от четырех
миллионов компактного татарского населения осталось на склонах Крымских гор
полтораста тысяч татар. Четыре миллиона насчитывало Крымское Ханство за 7 лет
до своего присоединения к бывшей Российской империи, как об этом
свидетельствует барон Тотт, посол Франции при Крым-Гирее в 1776 г." [8,
69]
Ичтимаий-сиясий аллар нетиджесинде ватандашларымыз тилини,
динини ве аятыны сакълап къалмакъ ве яшатмакъ ихтияджында ят топракъларда иджат
этмеге меджбур олалар. Бойле этип, гъурбет ерлерде къырымтатар иджрет эдебияты
шекиллене.
Добруджада яшап иджат эткен муэллифлернинъ эсерлери чокъусы
шималь шивесинде, Истанбул аньанелерини девам эткен муэллифлернинъ эсерлери
тюрк тилинде язылды.
Зиялылар ве оджалар бирлешип, "Добруджа", "Арекет",
"Садакъат" киби газета ве меджмуаларны нешир этип, Романияда инкишаф
эткен къырымтатар иджрет эдебиятынынъ бир далыны – пытагъыны
илерилетелер.
Мемет Ниязий, Салиха Аджы Фазыл къызы Мемет, Мустеджип
Улькусал, Неджип Аджы Фазыл, Мемет Вани Юртсевер, Исмаил Зиядин, Абдулла Вели
Шуайып, Энвер Мамут, Невзат Юсуф, Яшар Мемедемин, Алтай Керим, Аджемин Бавбек
киби муэллифлер Добруджадаки къырымтатар иджрет эдебиятына озь исселерини
къоштылар.
Бу эдебият къырымтатар иджрет эдебиятынынъ бир къысмы сайыла. Бу асабалыкъ
миллетнинъ келеджегини къайгъыргъан, дюньябакъышларыны уйгъун бир шекильде
ифаделеген гъает зенгин эдебий вариеттир.
Романияда нешир этильген "Хаяттан", "Романия" (1921),
"Туан" (1925), "Хакъ сёз", "Бизим сёзюмиз"
(1929), "Тюрк бирлиги" (1930), "Йылдырым" (1932),
"Чардакъ" (1937), "Бора" (1938) киби фаалиети къыскъа
олгъан газета ве журналлар иджрет эдебиятынынъ илерилемесине менбаа
олдылар.
Бу эдебий неширлернинъ эписи Романияда яшагъан сойдашларымызнынъ
рухий ве медений дертлерини савуштырмакъ, тиллерини джоймамакъ ичюн хызмет
эттилер. Миллий аньанелер, урф-адетлер, ана тилимизни сакъламагъа мейдан
яраттылар.
Иджретте ве сюргюнликте яшагъан къырымтатарлары
халкъымызнынъ фаджиалы такъдирини бутюн дюньягъа бильдирдилер.
Бу меджмуалар арасында Мустеджип Улькюсалнынъ реберлигинде 1930 сенеси нешир
этильген "Эмель" меджмуасы чокъ йыллар девамында къырымтатар
халкъынынъ азатлыкъ, девлетчилик огърунда алып баргъан курешини акс этип
кельмекте.
Къырымтатар иджрет эдебияты назм эсерлернен
зенгиндир. Иджрет эдебиятында халкъ агъыз иджадынынъ аньанелери девам
эттирильгендир. Иджрет эдебияты гъурбет иллерде яшагъан къырымтатар халкъынынъ
джанлы тарихыны, миллий рухуны, анъыны айдынлаткъан эдебияттыр.[3, 248-249]
Къулланылгъан эдебият:
Алиев Ю. Четэль Къырым
миллий эдебиятына бир назар. – Симферополь: Къырымдевлет окъув-педагогика
нешрияты, 2007. – 56с. – Къырымтатар ве рус тиллеринде.
2. Алиев Ю. Джафер Сейдаметнинъ вефатына 50 йыл толувы мунасебетиле.
ilmiybulleten.uaprom.net/a30326-aliev-dzhafer.html
3. Велиулаева А., Кокиева А., Салядинов Къ. Къырымтатар эдебияты. 10-унджы
сыныф ичюн къулланмасы. – Симферополь: Къырымдевокъувпеднешир. – 2003. – 290
с.
4. Керим И. А. Джафер Сейдамет ве онынъ "Ислям ака" икяеси акъкъында
эки сёз// Йылдыз. – 2005. – 4. – с. 5-11.
5. Керимов И. А. Бедиий сёзюмизнинъ эврими// Йылдыз. – 1999. – 2. – с.
120-126.
6. Керим И. А. Джафер Сейдамет. Икяелер. – Акъмесджит: "Тарпан"
нешрияты. – 2009. – 88 с. – Къырымтатар тилинде.
7. Къуршутов Т. Джафер Сейдамет Къырымэрнинъ эдебий фаалиети// Йылдыз. – 2005.
– 6. – с. 76-84.
8. Забвению не подлежит… (Из истории крымскотатарской государственности и
Крыма). Научно-популярные очерки. Составитель Н. Ибадуллаев. – Казань:
Татарское кн. изд., 1992. – 255 с.
| 
