… Къырымтатар эдебияты та ханлар
девринден башлар… Къырымтатар эдебиятнынъ
экинджи деври исе И. Гаспринскийнинъ
фаалиетинен башлар. Бу девирининъ озюне
махсус бир къач хусусиетлери ве айырылыкъ
чизгилери бардыр. Челебиджихан, Бекир
Чобан-заде, Шевкъи Бекторе, Шамиль
Тохтаргъазы, Асан Чергеев, Джемиль
Керменчикли, Амди Гирайбай ве башкъалары
озь эсерлеринде аздыр-чокътыр бу
деврининъ фикир джерьяны акс эттирген
шаир ве эдиплер эдилер.
Олардан
сонъ яза башлагъан языджыламызнынъ пек
чокъусы юкъарыда анъылгъан шаирлерге
ве эдиплерге назире оларакъ яздылар.
Бу вазиет та 1927 сенесине къадар девам
этти, бундан сонъ догъгъан эдебият я
терджиме, я да… сыкъылып пишкен бир
терекнинъ емиши иджады эдилер.
Бунлардан да гъайры мундеридже ве
шекильдже гъает зенгин бир будакъ даа
олса, о да мусафирчен, шенъ халкъымызнынъ
агъыз эдебияты – фольклордыр…
Maqaleden parça
|