Doğulğan zamanı, yeri:
1980 senesi yanvar
9-da Aqmescit şeheri.
Tahsil ve iş:
İlk tahsili 1987 senesi Taşkent vilâyetiniñ Yañıyol
şeherindeki 12-nci mektebinde, soñra Qırımda Mazanka, Alma-Tarhan, Teberti köy
mekteplerinde aldı.
1997 senesi mektepni bitire ve Aqmescitteki 15 sanlı oquv
yurtunda tikicilik kurslarında yarım yıl devamında oquy.
1998 senesi Qırım mühendislik ve pedagogika
üniversitetiniñ qırımtatar tili ve edebiyatı bölügine oqumağa kire. Aynı şu
yılı Bağçasaraydaki "Mahrama" milliy örnek sanaatı teşkilatına talebe
olaraq qabul oluna. Anda 2002 senesine qadar qatnay. Qırımtatar el sanaatı
sahibi ola.
1999-2003 seneleri Bağçasaraydaki 5-nci mektepte, soñ ise
Teberti köy mektebinde çalışa.
2004 senesi Qırım mühendislik ve pedagogika
üniversitetini bitire.
2005 senesi QMPU‘nıñ qırımtatar ve türk edebiyatı
kafedrasınıñ qadimi olaraq çalışa ve aspiranturada oquy.
Neşriyatta basılğan kitapları:
2008 senesi „Sevgen yürek aldatmaz" şiirler cıyıntığı
dünya yüzünü kördi.
Seminar ve simpoziumlarda iştirakları:
Qırımda ötkerilgen el sanaatı sergileriniñ, Romaniya ve
Türkiyede olıp keçken seminar ve halqara medeniyet künleriniñ iştirakçisi.
Bir sıra gazeta ve mecmua maqaleleriniñ müellifi.
|