1979 senesi fevral 12-de
Özbekistannıñ Ferğana vilâyetindeki Quva şeerinde doğdı.
1991 senesi
ailesinen beraber Qırımğa köçip keldi.
1994-1996
ss. Qurman (Krasnogvardeysk) hususiy erkek litseyinde oqudı.
1996-2002
ss. Qırım müendislik-pedagogika universitetiniñ filologiya fakultetinde tasil
aldı.
2001
senesinden itibaren "Yañı dünya" gazetasında çalışa. Al-azırda
gazetanıñ mesül kâtibidir. Belli bir vaqıt devamında "Tasil" mecmuası
muarririniñ muavini ve "Maarif işleri" gazetasınıñ mesül muarriri
vazifesinde çalıştı.
Studentlik
devirinde şair Yunus Qandımnıñ yardımınen edebiyatqa sarılğan genç qalemniñ ilk
şiirleri 2000 senesi "İlham"nıñ fidanları" cıyıntığında ve 2001
senesi "Yıldız" mecmuasında derc olundı. Soñundan:
"Uç,
qalbim" (Aqmescit ş., 2003 s.),
"Seniñ
közleriñde yıldızlar kördim – U tvoїh oçah ya zori baçiv" (Kiyev ş., 2003
s.)
"Cemden
bir avuç" (Aqmescit, 2007 s.) adlı kitapları neşir etildi.
Şairniñ
eserleri:
"Küneşten
bir parça" - "Okruşina sontsâ" qırımtatar şiiriyeti
antologiyasında (Kiyev ş., 2003 s.),
"Qırılğaçlar
duası" - "Molitva lastivok" qırımtatar nesir antologiyasında
(Kiyev ş., 2006 s.),
"Ukraїna
– moya batkivşçina" almanahında (Kiyev, 2006 s.),
"Türkün
sesi" almanahında (Baku ş., 2004 s.),
"Dertli,
ağrılı qardaşlarımız" kitabında (Baku ş., 2005 s.),
"Qardeş
qalemler" dergisinde (Türkiye, 2008 s.), "Ümüt kervanı"
almanahında (Aqmescit ş., 2010) basıldı.
Şair Yaltada (2001 s.) ve Köktebele (2002 s.) olıp keçken yaş şair ve nesircileriniñ
seminarlarında,
Halqara türkiy
ocalarnıñ seminarında (İstanbul ş., 2001 s.),
I Halqara Qırım
şairler simpoziumında (Aqmescit ş., 2003 s.),
VI Halqara
türkiy şairler festivalinde (Qırım, 2005 s.),
II Halqara
türkiy medeniyeti simpoziumı çerçivesinde ötkyerilgen Qırım şairler
festivalinde (Eski Qırım şeeri, 2006 s.),
Halqara Hazar
şiir aqşamlarında (Türkiye, Elâzığ ş., 2006 s.),
II Türk dünyası
edebiy mecmualar kongressinde (Türkiye, 2008 s.),
Sapanca şiir
aqşamlarında (Türkiye, Sapanca ş., 2010 s.) iştirak etti.
2008 senesi
Mahmud Qaşğarlı adına halqara ikâye konkursında "Ana qayğısı" ikâyesi
ile Qırım edebiyatını taqdim etti.
Şu yılı
Anqarada Avrasiya Yazarlar Birligi tarafından mukâfatnen (1000 Yevro)
taqdirlendi.
Seyran
Suleyman "İlham" edebiy birleşmesi reisiniñ muavini ve Ukraina
Yazıcıları milliy birliginiñ azasıdır.
|