Respondent: Belli degil

— Yazıp alğan: Akmullayeva Leylâ

Penceresi yeşil boya


Penceresi yeşil boya,

Saralmadım toya-toya,

Eger sarsam toya-toya,

Mum yaqardım boydan-boya,

 

Penceresi altın parmaq,

Antım olsun — seni sarmaq,

Ağzı şeker, tili qaymaq,

Olurmı güzele toymaq,

 

Penceresi oymaq-oymaq,

Olurmı güzele toymaq,

Bir söz içün, şu güzelniñ

Olurmı boynumı urmaq.

— Yazıp alğan: Akmullayeva Leylâ

 

Altın yüzük

 

Altın da yüzük kesilmez,

Derdim de artar, eksilmez.

Künde biñ danesiñ kötrsem,

Birisi saña beñzemez.

 

Altın yüzügim taşı,

Yandı da yüregim, başı,

Yaqtı da meni yandırdı,

Şu maalleniñ bir yaşı.

 

Yipek yavluq boyanmaz,

Yarğa varsam — uyanmaz.

Yarem eller quçağında,

Buña canlar dayanmaz.

 

Almıdır seniñ yavluğıñ,

Mormıdır seniñ yavluğıñ?

Oynamaysıñ, iç külmeysiñ,

Yoqmıdır seniñ savluğıñ?

Ramazanov Sadıq "...bağçadan bir gül qopardım": Yır

Acıbekirova Urmus "...dağdan da keldi bir qozu": Yır

Menayeva Refiqa Seydametqızı "Yigit ve qız yırı": Yır

Menayeva Refiqa Seydametqızı "...dağdan endi bir qozı": Yır

"...ah degende...": Yır

"...aralıyım ben, yaralıyım ben...": Yır

"Degirmenci": Yır

"Dereler Şuma-Şuma": Yır

"...yüksek minare...": Yır

"...Beni ğamdan azat eyle": Yır

Yır

Remziye Quvletqızı "...tögerek yıldızlar töpemde": Yır

Veliyeva Leyla "...eki de asret": Yır

Zeytullayeva Fatime "...evleri bar yol çetinde": Yır

Zeytullayeva Fatime "...özen boyu": Yır

Qalaylı qazan (variant): Yır

"...dalda bülbül...": Yır

"Bir dalda eki riraz": Yır