Respondent: Belli degil

— Yazıp alğan: Akmullayeva Leylâ

Penceresi yeşil boya


Penceresi yeşil boya,

Saralmadım toya-toya,

Eger sarsam toya-toya,

Mum yaqardım boydan-boya,

 

Penceresi altın parmaq,

Antım olsun — seni sarmaq,

Ağzı şeker, tili qaymaq,

Olurmı güzele toymaq,

 

Penceresi oymaq-oymaq,

Olurmı güzele toymaq,

Bir söz içün, şu güzelniñ

Olurmı boynumı urmaq.

"Ay anaylar, anaylar"

Ay anaylar, anaylar,

Ah saqallı babaylar,

Oğlum soldat ketti, dep

Ev aylanıp ağlaylar

Çıbıqçını beş oğlundan

Oy, oy, oy biri soldat ketmedi.

 

Tavğa bardım tav kestim,

Tartmadı ......

Borçqa desen bir qızçıq,

Al, dedi anaman

Ketir qızıñnı köreyim,

Al parasını

— Yazıp alğan: Akmullayeva Leylâ

 

Altın yüzük

 

Altın da yüzük kesilmez,

Derdim de artar, eksilmez.

Künde biñ danesiñ kötrsem,

Birisi saña beñzemez.

 

Altın yüzügim taşı,

Yandı da yüregim, başı,

Yaqtı da meni yandırdı,

Şu maalleniñ bir yaşı.

 

Yipek yavluq boyanmaz,

Yarğa varsam — uyanmaz.

Yarem eller quçağında,

Buña canlar dayanmaz.

 

Almıdır seniñ yavluğıñ,

Mormıdır seniñ yavluğıñ?

Oynamaysıñ, iç külmeysiñ,

Yoqmıdır seniñ savluğıñ?

— Yazıp alğan: Belâlova Zeniye

 

Maneler

 

Aydañız qızlar boynağa,

Maya soymağa,

Maya soyğan soñ,

Ketermiz oynamağa.

 

Ah, anayım, qarnım açtı,

Ne beriyim, balayım?

Tavuq soy da, cilek ber,

Men aşayım, anayım.

 Yazıp alğan: Belâlova Zeniye

 

Maneler

 

Yubka da moya, yubka da moya uzkaya,

Polübila tatarçonka,

A sama ya russkaya!