Gelin-Qaya efsanesi
Evel zamanlar Qızıltaş köyü
yanında bir qaya bar edi. bu qaya kelin sımalarını añdıra edi. köy sakinkleri
böyle efsane tarif ete ediler.
Künlerden bir kün Qızıltaş
yolundan toy arabaları keçe edi. Eñ ögünde, güzel at üstünde dülber anterli yaş
kelin otura edi. apansızdan qız arqa taraftan yel çıqardı. Peşinden ketken
insanlar kimisi biri-birine baqıp külüşti, kimisi "masqaralıq gelin olup
osura”, dep mırıldadı. Bularnı körüp, biçare qız "bare men taş olğaydım da bu
sözlerni eşitmegeydim”, dedi. Şu añde taş kibi qatıp qaldı. Qudalar ise şaşıp
eve qayttılar.
Çoq asırlar dülber biçare taşqa
Aylanğan kelin Qızıştaş yolunda turdı.
Qırımtatarlar sürgün etilgen soñ,
Qırım adağa kelgen musafirler bu Gelin-Qayanı körüp onıñ tarihınen meraqlana
ediler.
Kelmeşekler ise qırımtatar efsanelerini,
mirasimlerini ikâye etmege istemey ediler. Bu sebepten olar Gelin-Qayanı
patlattılar. | 
